Dritan Goxhaj: Historia e Pashkruar Pas Vëmendjes së Fundit

11:35 | 24 Qershor 2026

Dritan Goxhaj është përmendur shumë ditët e fundit kryesisht për shkak të rolit të tij në protestat që po zhvillohen në Tiranë.

Gjithashtu, vëmendja ndaj tij është shtuar sepse Goxhaj është figurë e njohur publike prej vitesh, si ish-pjesëtar i UÇK-së, analist ushtarak dhe person që ka qenë më parë në qendër të debateve lidhur me proceset e Dhomat e Specializuara të Kosovës.

Dritan Goxhaj iu bashkua vullnetarisht Ushtrisë Çlirimtare të Kosovës gjatë luftës së viteve 1998–1999. Me profesion oficer aviacioni në Ushtrinë Shqiptare, ai u angazhua në strukturat e UÇK-së dhe, sipas burimeve publike, kishte autorizimin e Shtabit të Përgjithshëm për të mbajtur kontakte me komandën e forcave amerikane të vendosura në Shqipëri. Gjatë luftës ai shërbeu si oficer ndërlidhës dhe mori pjesë në mbështetjen e operacioneve të UÇK-së.

Angazhimi i Dritan Goxhajt në UÇK lidhet ngushtë me kontributin e babait të tij, Dilaver Goxhaj. Koloneli Dilaver Goxhaj, i njohur gjatë luftës edhe me nofkën “Komandant Golemi”, iu bashkua vullnetarisht luftës në Kosovë dhe u emërua zëvendësshef i Shtabit të Përgjithshëm të UÇK-së. Përvoja e tij ushtarake ishte një ndihmë e rëndësishme për organizimin dhe koordinimin e forcave çlirimtare.

Babë e bir u rreshtuan në të njëjtën kauzë, duke qenë ndër ushtarakët nga Shqipëria që iu përgjigjën thirrjes për t’i dalë në ndihmë Kosovës gjatë luftës. Në dokumente dhe dëshmi të publikuara ndër vite, emrat e tyre përmenden si pjesë e strukturave të UÇK-së, ku Dritani përmendet si oficer ndërlidhës me misionin ushtarak amerikan, ndërsa Dilaveri si një nga drejtuesit e Shtabit të Përgjithshëm.

Pas përfundimit të luftës, të dy vazhduan të jenë aktivë në debatet publike mbi historinë e UÇK-së, luftën e Kosovës dhe çështjet e sigurisë kombëtare./Arbresh.info/