LDK habit me gatishmërinë për koalicion me Vetëvendosjen

TB

Gazeta Minuti arbn · June 23, 2026 · Uncategorized

Nënkryetari i Lidhja Demokratike e Kosovës, Lutfi Haziri, ka deklaruar se partia e tij është e gatshme për bashkëpunim me Lëvizja Vetëvendosje, me qëllim të krijimit të stabilitetit institucional në vend.

Haziri ka thënë se Kosova po përballet me kriza dhe se është e domosdoshme që sa më shpejt të formohen institucionet e Republikës.

Duke komentuar mundësinë e një koalicioni mes VV-së dhe LDK-së, ai ka theksuar se deri më tani nuk ka pasur komunikim ndërmjet dy subjekteve politike, pasi, sipas tij, kanë qenë në pritje të certifikimit të rezultateve.

“Ne jemi të gatshëm qysh sonte për bashkëpunim”, ka deklaruar Haziri.